Балаларға арналған мемлекет
2020 жылдың 26 қарашасында Қазақстан Республикасындағы Бала құқықтары жөніндегі уәкіл Аружан Саин ҚР Президентінің Әкімшілігі ұйымдастырған онлайн-кездесуде балалардың құқықтары мен заңды мүдделерін қамтамасыз етудің кейбір мәселелері бойынша баяндама жасады.
Алматы қаласы әкімдігінің БКБ жүйесі негізінде ( бейнеконференц-байланыс) ұйымдастырылған сөзінде Аружан Саин онлайн-кездесуге қатысушылардың назарын төрт проблемалық тақырыпқа аударып, оларды шешудің нақты қадамдарын ұсынды:
- Балаларды тегін спорт секциялары және шығармашылық үйірмелерімен қамтамасыз ету;
- Балалар үйлерінде, мамандандырылған интернаттарда, соның ішінде мүмкіндігі шектеулі балаларға арналған интернаттарда тәрбиеленетін балалардың құқықтарын қорғау;
- орталық және жергілікті атқарушы органдардың әлеуметтік саладағы бюджет қаражатын пайдаланудың ашықтығын қамтамасыз етуі;
- Мүмкіндігі шектеулі балаларды қолдау және балалардың мүгедектігін төмендету мәселелері.
Отырысқа орталық мемлекеттік органдардың өкілдері – Бас Прокурордың орынбасары Болат Дембаев, Сыбайлас жемқорлыққа қарсы іс-қимыл агенттігі төрағасының орынбасары Олжас Бектенов, Ішкі істер министрінің орынбасары Марат Қожаев, Білім және ғылым вице-министрі Бибігүл Асылова, Денсаулық сақтау вице-министрі Ажар Ғиният, Ақпарат және қоғамдық даму вице-министрі Асхат Оралов, Мәдениет және спорт вице-министрі Сәкен Мұсайбеков, Еңбек және халықты әлеуметтік қорғау вице-министрі Ерлан Әукенов, Қаржы вице-министрі Руслан Бекетаев, сонымен қатар, жергілікті атқарушы органдардың өкілдері – Нұр-Сұлтан қаласы әкімінің орынбасары Бақтияр Мәкен, Алматы қаласы әкімінің орынбасары Ержан Бабақұмаров, Шымкент қаласы әкімінің орынбасары Шыңғыс Мұқан, Ақмола облысы әкімінің орынбасары Айна Мусралимова, Ақтөбе облысы әкімінің орынбасары Мейрамбек Шермағамбет, Алматы облысы әкімінің орынбасары Рустам Әли, Атырау облысы әкімінің орынбасары Бақтыгүл Хаменова, Шығыс Қазақстан облысы әкімінің орынбасары Әлішер Мархаббат, Жамбыл облысы әкімінің орынбасары Ержан Жылқыбаев, Батыс Қазақстан облысы әкімінің орынбасары Серік Егізбаев, Қарағанды облысы әкімінің орынбасары Абзал Нүкенов, Қостанай облысы әкімінің орынбасары Марат Жүндібаев, Қызылорда облысы әкімінің орынбасары Серік Ахмет, Маңғыстау облысы әкімінің орынбасары Қаныбек Жұмашев, Павлодар облысы әкімінің орынбасары Айзада Құрманова, Солтүстік Қазақстан облысы әкімінің орынбасары Ғани Нығыметов және Түркістан облысы әкімінің орынбасары Сәкен Қалқаманов қатысты.
